პროექტის შესახებ
ტექნოლოგიური განათლებისთვის
თანამედროვე მსოფლიოში ტექნოლოგიებს განსაკუთრებული როლი ენიჭება.
ამ სფეროში მუდმივად ვითარდება ახალი მიმართულებები და იბადება ახალი პროფესიები.
იმ მიზნით, რომ უზრუნველყოფილი იყოს ხარისხიანი განათლების მიღების შესაძლებლობა ICT სფეროში, მოხდეს სხვადასხვა პერსპექტიული მიმართულებით კადრების მომზადება/გადამზადება და ტექნოლოგიურ სფეროში პროფესიონალებზე ხელმისაწვდომობის გაზრდა, თიბისი ბანკისა და USAID-ის პროგრამა „დამსაქმებლები პროფესიული განათლებისთვის“ თანამშრომლობით დაიწყო ორწლიანი პროექტი - TBC x USAID ტექნოლოგიური განათლებისთვის.
პროექტი გულისხმობს სფეროს წამყვანი ექსპერტების ჩართულობით ცხრა პრაქტიკული საგანმანათლებლო პროგრამის შემუშავებასა და 700-ზე მეტი ტექ.ტალანტის მომზადება ს. კურსების დასრულების შემდეგ წარმატებულ კურსდამთავრებულებს ეძლევათ შესაძლებლობა განივითარონ კარიერა ტექნოლოგიურ სფეროში და დასაქმდნენ თიბისი ბანკსა და მის პარტნიორ კომპანიებში.
კურსები წარიმართება ონლაინ რეჟიმში, რაც პროგრამაში ჩართულობას ხელმისაწვდომს ხდის დაინტერესებული პირებისთვის რეგიონებიდან და ხელს შეუწყობს რეგიონში სფეროს განვითარებას, ტექნოლოგიების როლის ზრდასა და უმუშევრობის დონის შემცირებას.
პროექტის ერთ-ერთი მთავარი ფოკუსია ქალთა ხელშეწყობა და გაძლიერება ტექნოლოგიების სფეროში, მათთვის ხარისხიან განათლებაზე ხელმისაწვდომობის ზრდა და დასაქმების ხელშეწყობა.
მნიშვნელოვანია, რომ პროექტის ფარგლებში თიბისი IT აკადემიის ბაზაზე შეიქმნა iOS ლაბორატორია, რომელიც iOS Development-ით დაინტერესებულ სტუდენტებს მისცემს შესაძლებლობას ისწავლონ და განივითარონ პრაქტიკული უნარები, მიუხედავად იმისა, თავად აქვთ თუ არა ხელმისაწვდომობა საჭირო აღჭურვილობაზე.
რომელ სასწავლო კურსებს მოიცავს პროექტი?
პროექტის ფარგლებში ორი წლის მანძილზე რამდენიმე ნაკადად გამოცხადდება მიღება შემდეგ კურსებზე:
ვის შეუძლია პროექტში მონაწილეობა?
Პროექტის ფარგლებში კურსებზე დარეგისტრირება შეუძლიათ 18 წლიდან პირებს, რომელთაც აქვთ ინტერესი და მოტივაცია გადადგან პირველი ნაბიჯები ან შეიცვალონ ამჟამინდელი პროფესია და განივითარონ კარიერა ტექნოლოგიების სფეროში.
პროექტის პარტნიორები
